الرئيسيةالتسجيلدخول

شاطر | 
 

 حوار بين الهارد دسك ...والسى ديهايا ...هينتهى بالجواز ههههه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ibrahim basha
Administrator
Administrator
avatar

ذكر عدد الرسائل : 111
العمل : طالب مميز
المزاج : مزاج متقلب
الدولة :
الاوسمة :
تاريخ التسجيل : 30/03/2008

مُساهمةموضوع: حوار بين الهارد دسك ...والسى ديهايا ...هينتهى بالجواز ههههه   الخميس أبريل 17, 2008 5:46 am

الهارد ديسك بيتجوز

الهارد ديسك: على فكرة رغم علاقة التعامل الكبيرة اللى حصلت بينا الا انى اول مرة اكتشف فيك حاجة جديدة.



السى ديهايا: قصدك ايه .. يعنى ما كانش عندى قبل كدا حاجة تلفت نظرك, دا انا 700 ميجا بايت , وجسمى متقسم على تراكات وبشرتى ناعمة و..



الهارد ديسك (مقاطعا): انا مش قصدى , انا عايز اقولك انى طول عمرى كنت بشوف فيك الديسك اسباس بس ما كنتش اعرف ان عندك امكانيات جديدة



السى ديهايا: عارفه حتقول ايه.. قصدك يعنى اكمنى بقى عندى رشاقه وبقيت امشى على 56 اكس



الهارد ديسك: ما تفرحيش بنفسك كده امال لو عرفتى سرعتى انا بقه هتعملى ايه انا بلا فخر لو شديت حيلى شويه ممكن اعمل 700 دوره فى الدقيقة



السى ديهايا: قصر وهات من الاخر يا عم الهارد وما تتفرمتش عليا



الهارد ديسك: انا اتفرمت عليكى انت دا انا يا بنتى متفرمت فات ان تى اف اس يعنى نيو تكنولوجى مش زيك



السى ديهايا: قصر بقى لحسن انا طول النهار من سى دى روم للتانى لما خلاص قربت اتخربش المهم ايه بقى يا حبيبى الجديد اللى انت شايفه فيا



الهارد ديسك: اول مره اعرف انك من النوع اللى بيقبل نسخ اكتر من مره , يعنى انتى كده اقتصاديه يا حبيبتى وهتوفرى كتير وحتجدديلى الداتا



السى ديهايا: اه يا مجرم انت بتبص لمصلحتك طول عمرك وانت اكتر حاجه بتهمك هى الداتا انا زهقت منك



الهارد ديسك: علشان اثبتلك انى مش بتاع مصلحتى , انا مستعد اتجوزك فورا ونحافظ على الداتا بتاعتنا بينا وبين بعض وما ندخلش اى ميمورى بينا



السى ديهايا: بس لازم الاول تروح تكلم بابا البروسيسور وماما المازربورد




الهارد ديسك: انا معنديش مانع بس ممكن تدينى فكره عنهم علشان اعرف حنتتوافق مع بعض ولا مش حيحسو بيا زى غيرهم



السى ديهايا: اطمن خالص انا ماما المازربورد من النوع الحديث يعنى تقدر تقول بنتيوم فور وبابا البروسيسور دماغه كبيره جدا اكتر من 2 جيجا , وعلى فكره هما كانو بيدورو على هارد ديسك من مستوانا يكون سريع وعنده مساحه كبيره , وميعملش لنا مشاكل



الهارد ديسك: يعنى مساحه اد ايه بالضبط



السى ديهايا: والله التفاصيل الفنية دى تتكلم فيها معاهم, انا كل حلمى انى اتجوز ويجمعنا كلنا اى كيسه ايه تى اكس , ان شاء الله تكون ديسكتوب , واكون قريبه منك يا حبيبى




الهارد ديسك: ان شاء الله يا حبيبتى نتجمع كلنا فى كيسه واحده بس المهم المازربود والبروسيسور يوافقوا على ......, حددى لى ميعاد معاهم دلوقتى عشان اقنعهم





الهارد ديسك والبروسيسور فى بيت السى ديهايا ومعه مجموعه من البرامج والملفات ويقابل الماذربورد





المازربورد: اهلا وسهلا بك يا ابنى , ماكانش فى داعى تتعب نفسك وتحمل نفسك ملفات زيادة كده




البروسيسور: ممكن تكلمنا عن نفسك اكتر




الهارد ديسك: انا هارد ديسك شاب سريع عندى اربع مطارح سى و دى و اى و اف على مساحة 40 جيجا بايت, وممكن اقسم المساحه اكتر من كده لو حبيتو




المازربورد: مساحه ايه يا ابنى اللى هتقسمها من كبرها اوى , دا يادوب على الاد بس قولى اذا الداتا بتاعتكم كبرت حتعمل ايه




البروسيسور: دى لو الداتا كبرت وما بقاش فيه مساحه دا انت ممكن تخلينى اهنج




الهارد ديسك: لا ماحنا حنمشى على ادنا ومش حنزحم الدنيا بداتا ملهاش لزمة , والسى ديهايا حتتعاون معايا فى الداتا , لانى عرفت انها من النوع اللى ممكن يحمل اكتر من مره قصدى تنسخ اكتر من مره




المازربورد: ايه دا شكلك ناوى تبهدل بنتى



الهارد ديسك: الحياه تعاون يا تانت ولازم المليان يكب على الفاضى , المهم اننا نستغل مساحتنا كويس





و ان شاء الله الفرح في معرض أنتل القادم

وممنوع دخول الفلاشات الاقل من 1 جيجا هههههههههههه

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://thelegend4.yoo7.com/
shammusa
Administrator
Administrator
avatar

انثى عدد الرسائل : 63
البلد : مصر
الدولة :
الاوسمة :
المزاج :
تاريخ التسجيل : 01/04/2008

مُساهمةموضوع: رد: حوار بين الهارد دسك ...والسى ديهايا ...هينتهى بالجواز ههههه   الثلاثاء أبريل 29, 2008 4:47 pm

شكررررررررررررررررررررررررررررررررا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فرح
مراقب عام
مراقب عام


انثى عدد الرسائل : 113
البلد : فلسطين
المزاج :
تاريخ التسجيل : 04/05/2008

مُساهمةموضوع: رد: حوار بين الهارد دسك ...والسى ديهايا ...هينتهى بالجواز ههههه   الأربعاء مايو 07, 2008 6:27 am

ههههههههههههه مشكور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حوار بين الهارد دسك ...والسى ديهايا ...هينتهى بالجواز ههههه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.•¨`•. الأسطـــــــــــــــــــــــــورة .•¨`•. :: 
الضحك و الفاكهة
 :: .•¨`•. نكت منوعة.•¨`•.
-
انتقل الى: